علي عكس المتوقع في النش البلق بيركن والكرزليات والاستراليات بتطير

علي عكس المتوقع في النش البلق بيركن والكرزليات والاستراليات بتطير وبتربط مع بعض مش عارف ليه
بصراحة عمري ماجيت اطير غزار ورفع راسي
حتي لما بجيبه زغاليل بحس انه حمام ضعيف اوي مش بتاع طيران عن تجربة في 10 زغاليل بلق
ايه الغلط اللي انا بعمله طيب
ولا الغزار مش بيطير الا لما بيخلص ريش ولا ايه المشكلة
ياريت خبراء النش يردو عليا
ﻷن في ناس بدأت تقنعني ان البلق مش بتاع طيران اساسا

البلق والمسويد من اجمد حمام النش واكثرهم طيران بس اولا الأبلق لازم يقوم لوحده ميتكشش وهو صغير لأن البلق مجانيين وبتخاف من اى حاجة وبتاخد فترة كبيرة عقبال ما يلم مع باقي اخواته واكيد الغلطة اللى انت بتعملها انك مبتسبش الزغلول الأبلق يقوم لوحده

البلق وجميع انواع الحمام المصري طيرانه روعة بس عايزين معاملة خاصة وطولة بال الجمعيات والكرزليات والشوامة زغاليلهم بيطيروا بسرعة مقارنة بالغزار وبعدين يا اخي شكلك بنش الزغاليل وده غلط

البلق من افضل الحمام فى الطياران ولكنه بياخد وقت كبييير علشان يبتدى يطلع ويحتاج معاملة خاصة

بس انا نفسي اعرف هل الغزار بصفة عامة والبلق بصفة خاصة لازم استني عليه لحد لما يبقي عليه ريشتين مثلا
ولا ايه
يعني امتي اهش فيه
اصل الحمام التاني طاير وهو عليه الاربعة والستة عادي

متغلطش غلطتى انا كنت متسرع شويه فى موضوع الغزار
كان عندى زغاليل و كتموا و بدأت اكش فيهم على خفيف
لقيتهم بيركنوا روحت سايبهم برحتهم خالص ولا كأنى عندى غزار خالص
لحد ما هما بنفسهم ابتدوا وحده وحده مره زغلول يقوم ياخد لفه و يقف
مره يطير من الجنب ده للجنب ده لحد لما رموا 5 ريشات
لقيت الحمام اول ما بيخرج من المصطبه على الجو

بس نصيحه بلاش تقرص على الحمام و هو بيقلش انا كنت بعمل كده
و كانت النتيجه وحشه المهم فى فترة القلش الراحه التام÷ للفرد و الاهتمام
بالكلفه و الاملاح المعدنيه

انا بضم صوتى للناس المحترمه دية ان حمام البلق من اقوى حمام النش بس عاوز اقولك انه ارخم فرد فى كل حاجه يعنى فى نشه بيقوم بعد ما يرميله ريشتين تلاته وفى فرخه مبيطلعش من الطاجن غير لما يتكيف ويكمل ريشه ويبقى فرد حمام عمره ما يجرى ورا ابوه ولا امه

انا مع كل الناس المحترمه اللي اكلمتم استذتي
انا لسه عامل جيل اول الحمد لله جبت تريحت زغاليل من سن واحد بس صبرت عليهم بتاع شهرين او شهر و نص كنت سيبهم علي رحتهم خالص هما وحدا وحدا طارو لوحدهم خالص و مش لازم يرمو8 ولا حتي 5 رشات عشان يلفو انا الحمام اللي عندي كان بيلف و هو عليه 8 رشات مش شرط بس اهم حاجه الصبر انا اتعلمت الادب في نش الغزار و الصبر و بفضل الله عملت جيل اول الناس بقت تتحاكه بيه مع اللعلم انهم لسه حجات عليه من 2 الي 4 رشات

الف شكر ياجماعة علي الردود وعلي فكرة الكريزليات ماشاء الله بتطير لمدة ربع ساعة وهيا لسة بتصاصي
بس يبدو ان البلق لازم استني لحد ما يبقي فاضل عليه 4 ريشات بالكتير

» الفروق بين النش
» هام جدا جدا......لكل غواى ومحبى النش .
» [ملخص]بعض المعلومات عن النش
» عالم النش واصوله
» موضوع مهم جداااااااااااا للغواه النش