[ملخص]بعض المعلومات عن النش

السلام عليكم
نظرا لكثر الاسئلة عن كيفية النش الصحيح فى المنتدى والمواضيع حبيت اعمل ملخص لعبض المعلومات الى استفدتها من المنتدى ومن الاستاذ احمد عوض على وجه الخصوص

واتمنى انها تكون مرجع للمبتدأين مثلى :

حمام الاولة :
الحمام القائد وهو ما يعرف بالحمام الاولة وحمام الاولة بيتميز بصفات اساسية :
1- يكون حمام الاوله ذكور فقط وعذاب طوال فترة الخدمة (مياخدش نتاية طول ما هو مع حمام النش ممكن تديلة نتاية فى حالة انك عايز تاخد منة عش او اتنين لكن يستحسن متطلعوش اوله بعدها)
2 - حمام الاولة يكون رعن وناصح وقوى فى نفس الوقت (وعلشان كده الطرايح بتتجرد علشان يتحدد مين فى الحمام ينفع يطلع اوله)
3 - حمام الاولة يكون محب للطيران وده طبعا بيجى مع التدريب والتدريب الجيد بتلقى الحمام بمجرد ما تفتح الباب فى موعد الطيران لن تحتاج الى التخبيط او الهش وهو على طول بيمسك مجالة
4 - حمام الاولة لا يشترط ان يكون نوع معين من الحمام ولكن بأغلب الاوقات يفضل الغزار
5 - حمام الاوله يفضل ان يكون اكثر من نوع (كل نوه وله مميزاتة) كمثال :
الغزار : يتميز بالنفس الطويل والقدرة الكبيرة على الطيران والجرى فى المجال
الشوامة : يتميز بالحركات البهلوانية فى الجول والتى بدورها تعطى شكل جميل للمجال
الكوجوك : يتميز بصغر الحجم وخفة الوزن ويساعدة ذلك بالارتفاع بالمجال الى اقصى درجة ممكنة
وطبعا انواع اخرى كتير فكما ذكرنا سلفا لا يشترط النوع فى حمام النش ولكن يفضل الغزار لانة ناصح وقوى ويمتلك اغلب الامتيازات المطلوبة فى حمام النش
6 - حمام يجب تدريبة وهو صغير السن والصبر اثناء التدريب وهذه النقطة مهمة جدا لتحصل على حمام بالمواصفات المطلوبة يطيع اوامة صاحبة ولا يتمرد عليها

هذا بالنسبة لحمام الاوله
بالنسبة للنش لا يشترط ان يكون فى لوفت يمكن النش فى بلكونة او حتة فى غرفة مادام التدريب سليم وصحيح ستحصل فى النهاية على المواصفات المطلوبة

غير مستحب نش الاناث لعدم قدرتها على الطيران لمدة طويلة وكذلك تقوم بتشتيت الذكور خصوصا انهم بيكونو عذاب وده ممكن يسبب ان الذكور تزوف ووقتها كل مجهودك هيضيع
يمكن نش الذكور المتزوجة مع حمام الاوله والحمام المخصص للنش ولكن يشترط استخدامها فقط لتزويد المجال ولا يصلح ان تكون الذكور المتزوجة اول من يذهب للمجال فهذه مهمة حمام الاوله وهو بدورة يقود المجال والطيور تتبع بعضها البعض

لا تفعل :
1 - نش الحمام وهو شبعان فذلك يسبب الخمول وعدم الرغبة فى الطيران بالتالى (الحمام هيركن) وزى ما قولنا الطيور تتبع بعضها البعض يعنى لو واحد ركن الباقى هيحصلة
2 - لا تزوج ذكور النش اطلاقا طوال فترة الخدمة الا فى الحالة التى ذكرناها سابقا

3- اثناء النش لا تنشغل بأى شىء اخر الا النش وذلك يفيد الغاوى بتحديد مجالة وتحسينة عن طريق تحديد الذكور التى تجر الحمام والذكور الى تترك المجال وتعود اليه مره اخرى ونش الذكور التى تجر الحمام فى البداية وتأخير الذكور التى تسقط من المجال الى النهاية والذكور الاولى هى ما تسمى بالحمام الجرار
4 - لاتقم بنش الحمام اثناء رميه للصمه والعديله لانه بيكون مجهد جداا وممكن الريشه تفرقع وهو طاير وبالتالى ممكن يضرب منك او يبوظ
فى النهاية هذا ملخص معلومات بسيط جدا جدا وان شاء الله احاول ما بين كل وقت والتانى الخص معلومات زى كده

واتمنى من الاخوه الخبراء فى النش تصحيح اى معلومة ذكرتها خاطئة

ودمتم بود

» الفروق بين النش
» هام جدا جدا......لكل غواى ومحبى النش .
» عالم النش واصوله
» موضوع مهم جداااااااااااا للغواه النش
» اشياء يجب معرفتها للمبتداء في النش