ده احد اشكال الكلوستريديا
بس بيعتبر اخطرهم لانة اسرع واحد فيهم ينتج سموم وكمان اصعب من السموم الفطرية
لانه بيعمل موت مفاجئ ولكن فى اول الحالة بتظهر اعراض
واهم الاعراض زى ما الدنيا كلها عارفة هو شلل الرجل والرقبة وهو المرض الوحيد اللى بيعمل اسهال ازرق من غير ريحة على عكس باقى انواع الكلستريديا
وفتحة المجمع متسخة بزرق ملون ازرق على بنى
بس الازرق زيادة ودا ما يميزة
وطبعا الرقبة علشان فيها شلل فالطير مش بيعرف يشيلها فبتكون ممدودة اما بطول الجسم او لتحت
وضع الجمل(يعنى ماتصدقش اللى يقوللك براميكسو)
طيب من التشريح
لو لقيت الاتى مع بعض يبقى هى بوتيوليزم
* الامعاء فاضية من اى اكل طبعا لو لقينا انتفاخات يبئى داخل معاها نوع تانى
*الجفن السفلى للطير مبيتحركش مهما لمسة
فى حاجة بردة تعرف منها المرض دا
وانك مجرد ما تحط ايدك على منطقة المجمع الريش يطلع فى ايدك
- والخلاصة
مابيقضيش على الكلوستريديا الا كبريتات النحاس والخل المركز(ربع جرام + 1سم/ اللتر)
بس انا ماستناش لما الكلوستريديا تاكل الزغلول وبعدين افكر فى العلاج
ياريت تحط الجنزارة ولو يوم ف الاسبوع
موضوع: شلل الارجل والرقبة فى الزغاليل(البوتيوليزم) 
الأحد يناير 27, 2019 2:19 am
