طريقة نش لزغليل

بسم الله الرحمن الرحيم

ابتدى موضوعى فى النش

هناك خطوات بتخدها فى نش الزغليل :-
1- اختيار الاهالى المناسبة للنش
2- اختيار الزغلول المناسب للنش (ابلق - مساويد - حلس - قطقاطى - عنبرا - شخشله - ارباش بس نش مش عالى اوى )
3-اعطاء لجميع الزغليل عندى طباشير عادى مش طبى اول ما الزغلول يبداء ريش بقعد ااكلهم طباشير كلسم ويشد جسمهم فى الطيران :-d
4- بعد اتمام شهر بعطى تحصين اسمه ميتا مصل ميت
5- الزغليل بتفضل متسابة لمدة شهر واقفين من غير مافزعهم
6- بدا فزع الزغليل مرة واحدة يوميا وبفضل واقف قدامهم لمدة دقيقة وبعدين ادخل
7- فى حالة ان الزغليل بدات تلم نفسها بطلع الساعه 6 الصبح اجريهم لمدة نصف ساعه وبتزيد يوميا لحد ماتوصل لساعتين
8- عزب الطواير عن الدكورة وبدى لكل دكر باب لوحد والباب عندى بيكون 25 فى 25 عشان يكون الفرد متكتف جوه الباب عشان اول ما افتح الباب يركب السحاب
9-بطلعلهم فى اكتر من ميعاد مختلف عشان الزغليل تاخد على جميع الاوقات واقدر ادخل بيها تماسى لحد مادخل بيها فى العشاء بيكون بات عليها السنة
10- بجمعهم مع الدكورة القديمة وفي عندى دكورها بقالها 3 سنين طايرة اوالحد الله كل موسم ببسيب طرحتين زغليل واحدة فى الجوبية وواحدة على الضهرية
هيا دى طريقتى يا حازم فى النش وانا واثق ان كل الغاوين بيعملوا كدا