مساء الفل عليكم ... الكلام على مين النهارده
على اقذر ميكروب بيخش جسم الفرد يبهدله وينهى عليه .. الا وهو التريكوموناس(الكنكر)
ده اللى بيسبب التجبن (القرح) بس مش ف الحلق الفرد بس زى ماكلنا فاكرين
ده بيبدأ التجبن من الكبد ويفضل ياكل ف الفرد لغاية مايصل للحلق.
* طيب اعرفه ازاى ياعم ابوهاجر ... بس ياسيدى
كثرة شرب الماء (لان جسم الفرد من جوه يبقى مولع)
تشوف الطير يفتح المنقار مع التنفس (لان التجبنات بتكبر وتسد القصبة الهوائية)
منع الاكل (لان التجبنات بتسد الامعاء)
رائحه الفم كريهه (زى زفارة السمك)
اسهال مية اصفر مائل الى الاخضر
طب ايه الحل
الاول لازم نفهم ان الميكروب ده وحيد الخلية يعنى مابيحبش الحموضة ونشط جدا
يعنى عاوزين حمض عضوى قوى يحمض ويقتل الميكروب مش يهمده بس
طب ليه حمض عضوى بالذات ... لان النوع ده من الاحماض ليه ميكانيكية خاصة ف التعامل مع الميكروبات ... ايه هية بقى:
الاحماض العضويه تتميز بخاصيه هامه جدا و هى ان لها تاثير مباشر (قاتل او مثبط) Cidal & Static effectعلي البكتريا الضاره مثل السالمونيلا و الاي كولاي و الكامبيولوباكتر و اللستريا مونوسيتوجين و الكلوستريديا برفيرنجينز والتريكوموناس و غيرها ، تماما مثل عمل المضادات الحيويه .
مثال لهذه الاحماض هو حامض الفورميك و الخليك و البروبيونك و السوربك sorbic.
و هذه الاحماض لديها القدره علي تحطيم جدار الخليه البكتيريه Cell wall و التاثير علي عمليه تكاثرها ايضا نتيجه تعطيل عمليه استنساخ الحامض النووي لخليتها و اضطراب في العديد من الوظائف الفسيولوجيه للخليه . لذلك تلقي هذه الاحماض الاهتمام الاكبر نظرا لقوه تاثيرها و فعاليتها .
طيب مين اشطر حمض فيهم ... طبعا الفورميك
يستخدم ازاى مع الحمام (1سم على لتر ماء 4 ايام) ماتزودش الجرعة
وبعدها على طول نحط الكربوناتو ف المية يومين عشان نقضى على الى سمية(جم/لتر)
بيتجاب من بتوع الكيماويات اللتر 25ج
موضوع: حمض الفورميك ... قاهر الكنكر 
الخميس يناير 24, 2019 2:27 am
