العرقسوس لعلاج الجفاف والاحتباس الحرارى ف الحمام

تخيل ان العرقسوس بيعمل احتباس للسوائل ف الحمام وبكده يقلل من فرصة حدوث لزوجة ف الدم ويحد من الجلطات الدماغية(الموت المفاجئ ف الحر) وبالتالى
لازم تعرف ان اهم معاملين فى الطيور لتخفيف الاحتباس الحرارى هو فيتامين سى وكذالك بيكربونات الصوديوم وبردة اى مركب فية كلوريد بوتاسيوم وايضا السالسيلك اسيد
تخيل ان كل دول لو اجتمعو فى طائر واحد للتخفيف من الحرارة بتاعة الطير
لم ولن يصلو لنتيجة معاملة نفس الطير بمنقوع العرق سوس
لانة بيمنع جفاف جميع الخلايا وبيمنع فقد الماء عن طريق اللهاث
فعلا العشبة دى ساحرة فى التخفيف من العبئ الحرارى وايضا جفاف الزغاليل او جفاف خلاياة
طريقة الاضافة
اما منقوع على البارد ودا بياخد وقت يعنى هتجيب ربع ك عرق سوس وتنقعة 2 ساعة فى الماء
او هتغلى 1 لتر ماء وبعدين تنزلهم من على النار وتنقع فيهم ربع ك عرف سوس وتغطيهم علشان جودة خروج المادة الفعالة لمدة ربع ساعة
وهتجيب المنقوع دا وتحطة بمعدل 3 سم ل على اللتر اما المدة
فلو هتستعملة فى جفاف الزغاليل فهتكمل بية الى ان تحسن ان رجل الزغلول اصبحت طرية وجسمة عوض الجفاف بتاعة
ولو للاحتباس الحرارى فبيكون قبل موجة الحر ب 24 ساعة وبعدها ب 24 ساعة متواصل