تعويد الحمام على الاشارات

هو موضوع سهل جدا و تدريب بسيط ...بس لازم زغاليل مش حمام كبير
اولا لما يبدا الزغلول مرحلة الفطام او ابليها بشوية...كل يوم تقوم شايل الزغلول على كفك بس بلاش عاى كتفك لحسن يقع منك و يتكسرلو جناح او يحصلو حاجة ماهو لسة زغلول ...المهم شيلة بهدوء عشان يطمنلك فى المرة الاولى اللى هى قبل الفطام بأربع ايام و فى يوم فطامة تجيبة على ايدك و تحط فى ايدك شوية درة عويجة و هو على ايدك صفر ممكن من اول يوم ماياكلش من ايدك لو مرضيش سيبة اليوم اللى بعدية يتعرف على شكل الاكل كويس عشان لما يشوفة يعرف انو اكل و هو اساسا لما يلاقى والدية بياكلو هينزل ياكل معاهم و لازم تبقى واقف جمبة و هو بياكل و اول ما يبدأ يلقط خلية يلقط شوية صغيرين بعد كدة شيل الاكل من ادامة و حط الاكل على ايدك و صفرلة هتلاقية من جوعة و حلاوة الاكل بياكل من غير ما يعرف مين اللى بيأكلة اما لو كان زغلول عنيد جوعة يوم و بما انة زغلول فمش هيستحما الجوع و اول ما يشوفك داخل بالاكل و بتصفرلة هيقوم جاى عليك جرى عشان ياكل و خليك معاة على كدة اسبوع يا تشيل الاكل من ادامة و تاكلة من ايدك يا تجوعة يوم و هو كدة هيضطر ياكل من ايدك لحد اما يتعود بس انصحك متخليش الحمام الغزار او حمام النش ياكل من ليدك لانة ممكن يضرب منك بسهولة جدا بس استعملها لو كنت بتربى زواجل لان الزواجل صعب انها تضرب لو كانت دماغها حلوة و دة بيعتمد بردة على طريقة تدريبك ليهم و كمان عشان الزاجل حمام شديد الذكاء و فاهم انتة عايز منة اية