نبدا بسم الله
انا عارف ان المصطلحات صعبة شوية علشان كدة جبتلكم الحلقة الاولي عبارة عن المصطلحات ال بيستخدمها الغواة ع طول الغواية ف مصر والناس ال اتعلمنا منهم ماكانوش بيقولوا كلام زي بتاعنا يعني لو يجوز الذكر بيقول يرمي او يلقي الذكر
كان زمان ليهم اسلوبهم الخاص وانا شايف ان دي حاجة بنعتز بيها زي لغة خاصة بغواة الحمام فقط
وما اطولش عليكم ونبدأ اولي الحلقات
الحصي..اللي هو البيض
النش....تطيير الحمام
بيشخور..يعني فرد حمام يبقي طاير مع المجموعه وفجاه يصقف بجناحه ويسيب الحمام ويطير لواحده(زايف يعني عاوز نتاية وعاوز يتجوز)
تقليب الحمام..يعني هل المواصفات القياسيه للنوع توافرت فيه ام لا
العضم..يعني المنقار بتاع الطائر
قص..يعني جوز دكر ونتايه متزوجين
بيخنن.يعني الدكر بيجهز المكان اللي هما هيبيضوا فيه ويقعد جواه ويصدر صوت والنتايه تدخل جنبه
السروال .او الشروال.الريش اللي بيبقي في رجل بعض انواع الحمام
القوادم.او السلاح يعني اول ريشات في الجناح او اطول الريش لدي الطائر
الترميل.يعني تجيب لصق وتلفه حول اول 7 ريشات من الطائر علشان ميقدرش يطير
الخرط..يعني تقص جناح الطائر بالمقص
النتف..يعني تنزع ريش الجناح
الاوله..يعني لما تيجي تنش(تطير الحمام)بيبقي فيه رميه اولي وبعد كدة فية تانية
الضرب =اللون بعد النني الاسود ف الحمام ويختلف عن لون العين
عين بكمه = العين ذات اللون الغامق تكاد تكون سوداء مثل عين الابيض شقلباظ
دبابير = هى ريش ملون فى رقبة الصافى على شكل نقط ملونه
توب = لون ريش الفرد
دبك = الخط الموجود فى جناح الفرد زي الابلق
حبايك = الخط الموجود فى جناح الصافى
العشر = 10 ريشات من اول جناح الفرد
قلش = تغيير الريش
عَرَق = ظهر الغيه
ضرب مقلب= اصطاد فرد حمام مش بتاعه عن طريق الشباك التي تنصب علي مسكن الحمام
الداير=اللوفت=برج الحمام مكان النش
مفوش=الحمام به حشرة الفاش اللعينه
مجدر=اصيب بمرض الجدري
جص =اشبه بمرض الجدري ياتي ف فتحة المجمع
حمام زقاق= حمام دكوره ونتي بيبيضوا وينتجوا زغاليل والقصد الاهم من تربيتهم الانتاج وليس النش
عضمه قصف=يعني الفرد منقارره صغير
فرد ملطش=يعني تركيب انواع مع بعضهم بدون نظام اي فاقد لصفاته القياسيه
عقدت او عقد=يعني الفرد لما يجيله الهزه ورقبته تلف وتفضل مقلوبه يبقي اسمها(عقدت معاه)
صلح=يعني اتنين من الغواه او اكثر عاملين تصالح ولا ياخذون حمام بعضهم واذا اصطاد الاخر
حمام المتصالح معه يرجعهوله تاني
ضد=عكس الصلح تماما
المخاميس= العيون=المحاكر = المكان اللي بينام فيه الحمام داخل اللوفت
كتم=يعني الزغلول لما يبطل صوصوه بيبقي اسمه كتم صوت ويبدا صوته يكتمل بقي
بينور الحمام=يعني لما الغاوي ييجي يطلع الزغاليل اول مره علشان يشوفوا الدنيا شكلها ازاي
وياخدوا علي المكان
زغلول شوك = يعني الريشبدا يظهر علي الزغلول زي الشوك
زغلول بطش = يعني الزغلول بدا يقدر ياكل لوحدة
العضا او الجتة = يعني جسم الحمامة
العقصة = الجزء اللي هو اخر الظهر و اول الزيل
الاباشد = يعني الاكتاف
حصي عمران =يني بيضة فيها زغلول
حصي معرق =يعني عروق الدم ظهرت و دة بيكون في اليوم الخامس من الكشف علي الحصي عشان نعرف اذا كان عمران و لا لا
زيل شماسي = الديل بيكون عامل زي نص الدائرة و دة في حمام الشامي
حمام صايم = يعني دكرة النش اللي لم تر ا طواير خالص
كشف الحمام = يعني فصل الذكر عن الانثي عشان الراحة و القلش
القنطرة = المسافة اللي بتكون بين العضمة المنقار و عين فرد المراسلة و دة عيب لازم العين و العضمة قرييبين من بعض و كل ما فلت المسافة احلو الفرد المرسلة
عكس الصلح = الخصم
ينور الحمام= لما يكون حمامة او اكثر طايرين بعيد وعايز يوريهم الغية بتاعتهم
خلعة او خلع فى الكتف= عدم اكتمال لون واقى الجناح ووجود جزء ابيض من الريش
توب ملبس= عندما يكون الجزء السفلى من فرد الحمام ملون بلون الجناح (فى الكشكات وما يماثلها فى تركيب اللون
كموخة=عندما يكون خد الابلق طويل جدا ولاحم فى الصدر
أبكم: العين العسلية.
أزازي: لون أزرق.
أسود حبر: أسود قاتم – ليلي – زنجي.
أشكح: المنقار الأبيض المشوب بسمرة أو حمرة.
أص: عظمة الصدر.
أص: زوج من الحمام.
أظرف: كشكة من ثلاث ريشات.
أكول: أصفر سكروته.
ألاجه: ريشة من لون آخر في وسط جوانب الذيل.
بخنق: الحد الأخير لأعلي الرقبة.
بشد: محيط الكتف من لون آخر.
بطش: الزغلول وجسمه عار من الزغب والريش لازال غير قادر على الوقوف.
بوز كناري أو عصافيري: منقار طويل.
بوز مكلتم: منقار صغير.
بوق: ريشة مزدوجة توجد أحياناً في منتصف الذيل .
بيضة برشت: قشرتها طرية ويحدث ذلك من تعب الأنثى فتريح بكشفها مدة أو يكون غذاؤها ناقصاً مواد جيرية.
تزوف الطيرة: تفرد الأنثى ذيلها وتحف به على الأرض ( تكنس ) متجهة جهة الذكر للدلالة على استعدادها للتلقيح.
تلعب: تتقلب في الهواء مثل الشقلباظيات.
تنوير: يهدي.
توليف: تآلف ذكر وأنثى.
حافي: أرجله عارية من الريش أي ليس لديه شروال.
حرام: إشارة في أسفل الصدر تشبه هلالاً أو نصف دائرة.
حصوة:البيضة
حصى الحمام: باض.
خوافي: ريش مؤخر الجناح.القصير ف الجناح
دبابير: الريش الملون في الرقبة وما حولها.
دبك أو حبايك: شبه قوس وزاوية في مؤخر البشر أو الكتف.
ذو ريشة: غير ريشة واحدة من القوادم وهكذا ذو ريشتين .. الخ.
رشرش: الريش الملون خلف الرأس.
ريش: عندما يكسو الريش جسم الزغلول.
زرق الحمام: الرسمال: زبل الحمام.
زغلول: الفرخ.
سلاح: القوادم أي مقدم الجناح والجمع أسلحة وهو ريش الطيران في الجناح.
شامة: عبارة عن بقعة سوداء على رأس الفرد أو رقبته وتوجد في بعض أنواع الحمام الصوافة.
شراب: إذا نما الريش على قصبة الرجل.
شروال: الريش النامي على أصابع القدم.
شكيمة: أسفل المنقار.
شوشة: برنيطة ( زائدة من الريش ) في مؤخر الرأس.
صوف: الزغب الدقيق.
صوفة: فرخ الحمام عقب الفقس وعليه الزغب الأخضر.
ضرب أو ضريبة: الدائرة التي حول نني العين أو بياض العين( العين ولونها ).
ضفر: الغشاء الشفاف الذي يغطي عين الحمامة أثناء الليل.
طيرة: أنثى.
طيرة زايفة: أنثى لديها استعداد للتزاوج.
طيرة عطال: لا تبيض وسبب ذلك أن تلقح العتقة ( الطيرة ) قبل أن تستوي ( تبلغ ) فلا تبيض بعد ذلك أو تكون طيرة مسنة.
طيرة معبية: أي أنثى تلقحت.
عجلة: بوز وراس مقوس يشبه العجلة.
عشر: سلاح – القوادم – مقدم الجناح وسمي بذلك لأنه عشر ريشات.
عصافيري أو كناري: أسم المنقار الرفيع الطويل.
عضا: جسم الحمامة.
عظمة: منقار.
عقصة: الريش الملون في مؤخرة الظهر.
عمة: أول ريشة في مقدم الجناح.
غية: التقفيصة أو المكان الذي يربى فيه الحمام.
فراخ: زغاليل الحمام.
فرد: ذكر.
فرد أقرع: رأسه غير مزينة بقصة ولا شوشة.
فرد أسترالي: أي خليط من غزاز ومراسلة ويكون حجمه أكبر وأقوى في الطيران.
فرد اصف: صغير الحجم.
فرد حافي: أرجله عارية من الريش المعروف بالشروال.
فرد مرتب: ذكر عنده استعداد للتزاوج.
فرد مضروب: أي اصطيد بواسطة العب أي الشبكة أو مجروح بواسطة الصقر.
فله: كشكة مكونة من أكثر من ثلاث ريشات.
قصة: زوائد من الريش في مقدم الرأس.
قطعة: قفص من الجريد واسع مكون من حجرة واحدة وضيق ما بين القضبان.
قلش: تغيير الريش.
كاسحة: لون غامق بآخر ريش الذيل.
كر بكرة: ينقلب جملة مرات متوالية في الجو.
كرك: ريش نام على رقبة الحمام بشكل الكرك.
كشاكيش: زوائد لحمية على الأنف.
كشكة: خصلة من الريش بارزة في الصدر.
كمرخة: لون قاتم يغطي الرأس إلى منتصف الرقبة.
لاطة: أي كله مثل أبيض لاطة أي كله أبيض.
لايح: بيض ليس به تلقيح ( رايق )
لباس: ريش الفخذين.
لطخة: لطعة.
مبخش: جملة نقط من أي لون في العين.
مجرفة أو سمكة: الريش الموجود أسفل الذيل.
مجزع: مقسم مثل قشر السمك.
محبس: ريشة من لون آخر في أحد جوانب الذيل.
مشورقة: فتح الأبواب قليلا.ً
مفتل أو مكتكت: مثل شعر رأس العبد ( خواتم ).
مفصص أو نوار الفول: ريشة بيضة وريشة سودة أو أي لون.
مكلتم: منقار صغير( بوز مكلتم: الرأس المستدير استدارة كاملة والمنقار من داخل الاستدارة ).
ملطش: مبقع.
منقار عجلة: منقار مقوس كمنقار الببغاء.
منقار عصافيري: يشبه منقار العصفور في طوله ورفعه.
منقار كناري: يشبه منقار كناري في طوله ورفعه.
نش: الطيران المدرب.
نش: تطيير.
نفاخ: حمام ينفخ حوصلته.
نهد: صدر.
ودعة: بقعة بيضاء في صدر أو رأس الحمامة السوداء.
وردة: كشكة من أكثر من ثلاث ريشات.
وش عجلة: منقار مقوس ويعمل مع الرأس عجلة.
يحضن البيض: يحتضنه أي يرقد عليه جيداً.
يخرط الفرد: يقص ريش الأسلحة بالمقص.
يدشر الفرد: يربط ريش القوادم بخيط أو دوبارة حتى لا يطير ويخصص للفرخ.
يرمي الذكر: يضع ذكر مع طيرة.
يسلل أو يبزبز: أي تظهر أصول الريش في جراب الريشة مثل السلاء أو الشوكة.
يشيل الحمام: يطير حالا.ً
يصوى: صوت الزغلول قبل البلوغ.
يعيط الحمام: عندما يهدل ويرجع ( يذكر).
يكتم الصي: حينما يبلغ الزغلول لا يصوي.
ينسل الأسلحة: ينزع ريش الأسلحة حتى يقتلعها.
يوشوش: يسر الذكر للأنثى في أذنها وبالعكس.
موضوع: مصطلحات غواه الحمام 
الخميس أبريل 04, 2013 3:05 pm
