السلام عليكم اعضاء الموقع الكرام وبالاخص منتدى الحمام المراسله المصرى
طبعا الصور الموجودة ليس لها علاقة بالموضوع ولكن تعودنا فى المنتدى على عرض الصور فى كل
موضوع من اجل التشويق والابداع ام الموضوع الذى سوف اطرحه فى غاية الاهمية بالنسبة لمن يريد
تربية الحمام المراسله المصرى والموضوع هو من الاخر ( ايه هو باق اللى من الاخر ) هنعرف ...
كل واحد عايز يربى حمام مراسله عايز يجيب حمام من الاخر طب لم يكون الحمام من الاخر هتعمل
ايه بعد كدة ...
فى ناس كتير عايز تربى حمام مراسله بس اهم حاجة انه يكون من الاخر زغليل او كبير يعنى فى
التركيب والعضم والتوب وخلافه ياترى مع احترامى للجميع اللى عايز حمام من الاخر هو عارف ايه
هو اللى من الاخر واللى من الاخر ده ثمنه كام ؟؟
وياترى اللى عايز حمام من الاخر هو رب حمام قبل كدة وفرخ حمام قبل كدة وشبيب زغليل قبل كدة
وعشان كدة هو عايز يحسن ويجيب حمام من الاخر ولاه هى منظرة وخلاص معلش انى بقول الكلام
ده هو من باب النصيحة وربنا يعلم .
انا عايز اقول حاجة مهم جدا اللى عايز يشترى حمام من الاخر لازم يتعلم ازاى يربى وزاى يفرخ وبعد
كدة يجيب حمام من الاخر ولاه ايه ..
وبعدين فى بعض الناس بتروح تشترى حمام مراسلات مستوهم كويس جدا بس بيكام الزغلول بحوالى
من 800 الى 1000 جنية ويجيب حوالى ست او سبع زغليل وبعد حوالى اسبوعين او ثلاثه اسابيع
يصفصف الحمام على اثنين او واحد طبعا بيجيله احباط وبيكره الحمام وسيرة الحمام وده ليه علشان
هو استعجل وجاب حمام من الاخر ..
وبعدين مفيش حد بيبداء كبيرمرة واحدة لازم الواحد يطلع السلالم واحدة واحدة
وعايز اقول حاجة مهم جدا تربية المراسلات وفرخها غير اى حمام تانى لانه عايز شوية صبر فى
التربية وفى الفرخ
لانك ممكن تيجيب جوز حمام جامد جدا فى التركيب وكمان بمبلغ عالى ويفرخ حمام بلدى وممكن
يكون العكس يكون حمامك متوسط ويفرخ حمام عالى وده بيرجع للاهالى فاهم حاجة فى فرخ المرسلات ازاى تركب دكر على نتاية والعكس
اقول لكم مثال ينفع واحد مبيعرفش يسوق عربيه يروح يجيب عربيه على الزيرو ويتعلم عليها اكيد
هتتخبط منه وهتكون تكلفت الاصلاح عاليه فالمفروض انه يجيب عربية نصف عمر ويتعلم عليه
وبعد كدة يجيب عربية على الزيرو اللى هى من الاخر..
انا عارف انى طولت عليكم وانا على فكرة مبحبش اتكلم كتيرا لكن الموضوع ده كان لازم نتكلم فى
من زمان لانه مهم ..
ومعلش عايز اقول حاجة مهم جدا الكلام النظرى حاجة والتربية العملية حاجة تانيه خالص
ومعلش مرة تانيه انى طولت عليكم وانا فى انتظار اراكم وردودكم على هذا الموضوع .. وشكرا
موضوع: مــن الآخـــر ... ( موضوع ذات اهمية ) 
السبت مايو 11, 2013 8:43 pm
