عندي اليوم علاج شعبي لعلاج الحمام عن الدود وهي مادة الخيله اكيد اغلبكم يعرف الخيله لان اهالينا كانوا يستخدمونها في علاجهم الشعبي فكانوا ياكلونها عن الدود ويتفركون فيها عن الامراض الجلدية وترا انا استخدمها للطيور والحيوانات عندي فكان شكلها في الماضي قطع شبه صلبة وبنية اللون ( بتحصلونها عند العطارين الايرانيين اللي يبيعون الادوية الشعبية بس غالية شوي) ولكن الحين موجودة في اي سبر ماركت او بقالة وبسعر زهيد جدآ وهي على شكل بودرة وخالطين معاها عيش مطحون وكركم ومعباية في علبة بلاستيكية بيضاء اللون وتكون صناعة الهند ترا لهنود ايحطونها في الاكل ( الصالونه الهنديه ) او يستخدمونها كذلك في صناعة الاجار الهندي والطريقة في استخدامها للحمام انك تاخذ مقدار خاشوقه ( ملعقة ) اكل من بودرة الخيله وتخلطها في دبة الماي وتخلي الحمام يشرب منه وتكرر العملية لمدة كم يوم ( 3-7) ايام وان شاء الله يستفيد الحمام منها