علاج جدرة الجناح وتيبس المفاصل فى الحمام

شوف ياعم الغاوى
اى مرض بيكون له اعراض بسبب مسبب مرضى سواء بكتيريا او فيروس او سموم
واحنا دايما بنتكلم عن علاج المسبب المرضى فقط
لكن فية اعراض ممكن تاخر سرعة نتيجة الشفاء
الكلام ده ينطبق تماما على السالمونيلا المفصلية ( الجناح المجدور او الرجل المشلولة من عند المفصل) ... يعنى كلنا كنا بنعالج الحالة على انها سالمونيلا ونقعد ندى ف حقن انروفال او سيفوتاكس والمرض يختفى وتفضل الاعراض زى ماهى اما الجناح واقف او الرجل مشلولة ... يبقى لازم نعالج العرض ... طب ازاى
اقولك الحل على طول من غير رغى فاضى ... محلول خلات الرصاص
طبعا هاتقول ابو هاجر بيهرج .. خلات الرصاص دى مادة سامة هانعالج بيها ازاى
ارد عليك واقولك طب ماهى كبريتات النحاس سامة وعالجنا بيها الكلوستريديا والسالمونيلا صح ولا لا
نخش ف الموضوع:
فيه طريقتين للعلاج (غمس او دهان)
الاولى محلول خلات الرصاص بمعدل 4% وويغمس فيها الرجل او الجناح (مكان الالتهاب) مرة صباحا واخرى مساء
والمحلول ده بيتباع جاهز فى الصيدليات البشرية والبيطرية
الطريقة التانية وهى عمل دهان من المركب السابق
150 جم خلات رصاص
+
10 جم بنتونايت
+
30 جم جلسرين
ويدهن مكان الالتهاب او العرج
وتدهن المفصل صباحا ومساءا
(الخلات والبنتونايت والجلسرين بيتباعوا عند البيطرى)
الخلاصة
7 ايام بالكتير والجناح او الرجل تفك بأذن الله

» (( طريقة علاج الحمام بالخيلة )) (( علاج الدود ))
» علاج المونيليا فى الحمام( الحمام الزوران)
» علاج الحمام فن
» علاج مرض الكنكر لدى الحمام
» علاج الرعشة فى الحمام